ཐོན་མིའི་སློབ་ཚོགས་ཀྱི་གསལ་བརྡ།
  ཤེས་རིག་ནོར་བུའི་སློབ་གླིང་གིས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2022 ལོའི་ཟླ 7 ཚེས 3 རེས་གཟའ་ཉི་མ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» འོས་སྦྱོར་གླིང་། »ཐོན་མིའི་སློབ་ཚོགས་ཀྱི་གསལ་བརྡ།
ཐོན་མིའི་སློབ་ཚོགས་ཀྱི་གསལ་བརྡ།
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2018-03-27ལྟ་ཀློག (6308)རྩོམ་ཁུངས: ངེད་དྲ་བ།པར་འདེབ།

 ཐོན་མིའི་སློབ་ཚོགས་ཀྱི་གསལ་བརྡ།

       གངས་ལྗོངས་ཤེས་རིག་ནོར་བུའི་སློབ་གླིང་ནས་སློབ་མཐར་ཕྱིན་པའི་མཐར་ཕྱིན་སློབ་མ་ཡོངས་ཀྱི་སྙན་དྲུང་དུ་ཞུ་མཆིད། སྤྱིར་བོད་གངས་རིའི་ལྗོངས་ལ་བཀའ་དྲིན་བླ་ན་མཐོ་ཞིང་ནང་སྒོས་རང་ཅག་བུ་སློབ་ཡོངས་བརྩེ་ཆེན་ཉི་མ་གཞོན་ནུས་རྣམ་ཀུན་ཉེ་བར་སྐྱོང་བའི་སློབ་དཔོན་རིན་པོ་ཆེ་འཇིགས་མེད་རྒྱལ་མཚན་མཆོག་གི་མཛད་པ་འཕྲིན་ལས་རྒྱ་མཚོ་ལས་གསུང་གི་མཛད་པ་མང་བོ་ཞིག་བོར་བརླགས་སུ་འགྲོ་བ་དང་། ཁྱད་པར་དུ་མི་རེ་འགས་ཁོང་གི་གསུང་བཤད་རེ་གཉིས་ཕབ་བཤུ་རེ་བྱས་ཡོད་ཀྱང་ཚད་ལྡན་ཞིག་ཐོན་ཐུབ་མེད་པར་མ་ཟད། ཀུན་སློང་འདྲ་མིན་གྱི་དབང་གིས་ཁོང་གི་གསུང་ཆ་ཚང་མ་བཀོད་པར་རང་གི་ཞེ་འདོད་ལྟར་དུམ་ཚན་རེ་དྲྭ་ཐོག་ཏུ་བཀོད་ནས་ཆེད་དུ་དཀྲོག་གཏམ་བཟོ་བ་དང་ངོ་བོ་གཞན་དུ་བསྒྱུར་བའང་མི་ཉུང་བ་རེ་སྣང་བས་ང་ཚོ་གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་ཀྱིས་ཚུལ་འདི་དག་ལ་ཆེད་དུ་དམིགས་ནས་སློབ་དཔོན་རིན་པོ་ཆེ་ཁོང་ལ་ཡང་དང་བསྐྱར་དུ་ནན་གྱིས་ཞུ་བ་ཕུལ་ངོར་ཁོང་རིན་པོ་ཆེས་ཀྱང་ད་རེབ་བཀའ་འཁྲོལ་ལེགས་པར་ཐོབ་སྟེ་ཁོང་གི་གསུང་ཆོས་ཕྱོགས་བསྡུ་དང་ཕབ་བཤུ། དག་བསྒྲིགས་དང་ཉར་ཚགས། པར་སྐྲུན་དང་འགྲེམ་སྤེལ་སོགས་ཀྱི་འགན་འདི་ང་ཚོ་བུ་སློབ་སྤྱིའི་ཕྲག་སྟེང་དུ་ལེན་པའི་བསོད་ནམས་ཀྱི་སྐལ་བ་ལྡན་པ་བྱུང་བས་ང་ཚོས་ཀྱང་སློབ་དཔོན་བཀའ་དྲིན་ཅན་ཁོང་ལ་བཀའ་འདྲི་དང་གྲོས་བསྡུར་བརྒྱུད་ནས་ཆེད་དུ་གསུང་ཆོས་རྩོམ་སྒྲིག་ཚན་ཆུང་ཞིག་རྩ་འཛུགས་བྱེད་པར་གྲོས་ཐག་བཅད་པ་ཡིན། དེ་བས་འཛིན་གྲྭ་དང་མི་སྒེར་བཅས་ཀྱིས་ཕབ་བཤུ་ཞུས་ཟིན་པའི་ཁོང་གི་གསུང་ཆོས་དག་ཀྱང་འདི་གར་མཁོ་སྤྲོད་གནང་རྒྱུ་དང་། ཚུལ་འདི་ལ་མོས་པ་ཟབ་པའི་དམ་ཚིག་གཅིག་པའི་མཐར་ཕྱིན་སློབ་གྲོགས་རྣམས་ཀྱིས་གཤམ་གྱི་ཆ་རྐྱེན་དག་ལ་གཟིགས་ནས་ཐོན་མིའི་སློབ་ཚོགས་གཞུང་ལས་ཁང་ལ་དུས་ལྟར་མིང་ཐོ་འགོད་རོགས་ཞུ། 

དང་བོ།  ངེས་པར་དུ་གངས་ལྗོངས་ཤེས་རིག་ནོར་བུའི་སློབ་གླིང་གི་མཐར་ཕྱིན་སློབ་མ་ཡིན་དགོས།
གཉིས་པ།  ཚུལ་འདི་ལ་མོས་པ་ཟབ་ཅིང་འགན་ཁུར་གྱི་འདུ་ཤེས་ཡོད་པ་ཡིན་དགོས།
གསུམ་པ། བོད་ཡིག་གི་ཆུ་ཚད་ངེས་ཅན་ལྡན་ཞིང་རྩོམ་འབྲིའི་ཐད་ལ་བྱང་ཆ་ཡོད་པ་ཡིན་དགོས།
བཞི་བ།   ཚུལ་འདི་ལ་མོས་པའི་སློབ་གྲོགས་རྣམས་ཀྱི་མིང་ཐོ་བཀོད་ཚར་རྗེས་མི་གྲངས་ཀྱི་ཚད་ཐིག་ལྟར་གསུང་ཆོས་རྩོམ་སྒྲིག་ཚན་ཆུང་དངོས་སུ་རྩ་འཛུགས་བྱ་རྒྱུ་ཡིན།
ལྔ་བ།  རྗེས་ཕྱོགས་འདི་ག་གསུང་ཆོས་རྩོམ་སྒྲིག་ཚན་ཆུང་ལས་གཞན་སུས་ཀྱང་ཁོང་གི་གསུང་ཆོས་གང་འདོད་དུ་ཕབ་བཤུ་བྱས་མི་ཆོག 

 མིང་ཐོ་འགོད་པའི་དུས་ཡུན། 
སྤྱི་ཟླ་༤/༡---༥/༡བར་ཡིན།

མིང་ཐོ་འགོད་ཡུལ།  གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་གཞུང་ལས་ཁང་།

འབྲེལ་གཏུགས་ཨང་གྲངས།  
18197123666
15283703999
18097399998
15109745084
13548386840

གཙོ་སྒྲུབ་སྡེ་ཁག 
གངས་ལྗོངས་ཤེས་རིག་ནོར་བུའི་སློབ་གླིང་།
གངས་ལྗོངས་ཤེས་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས།
འཇིགས་མེད་རྒྱལ་མཚན་རིག་གནས་སློབ་གསོའི་བློ་འདྲི་ཚད་ཡོད་མཐུན་གཉེར་ཁང་།
༢༠༡༨ལོའི་སྤྱི་ཟླ་༣ཚེས༢༧ཉིན་གངས་ལྗོངས་ཤེས་རིག་རིག་ནོར་བུའི་སློབ་གླིང་གི་ཐོན་མིའི་སློབ་ཚོགས་གཞུང་ལས་ཁང་གིས་སྤེལ།

སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ།
རྩོམ་སྒྲིག་པ། འབའ་སྣང་གྲོལ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས།

འདྲེན་བཀོལ:
61.4K

  དཔྱད་གཏམ ( 3 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། qngt བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  ཐོན་མིའི་སློབ་ཚོགས་ཀྱི་གསལ་བརྡ།   སྤེལ་མཁན།: སློབ་བུའི་གྲལ་མཐའ་བ་རྔོན་པ་དགོད་ཁ། སྤེལ་དུས:2018/3/28
བདག་གི་སློབ་དཔོན་དམ་པ་སྐུ་ཚེ་བརྟན་པར་སྨོན། ཁྱད་པར་དུ་ཁྱེད་ཅག་སློབ་བུ་ཚོགས་པ་ཐུགས་རྗེ་ཆེ།
  ཐོན་མིའི་སློབ་ཚོགས་ཀྱི་གསལ་བརྡ།   སྤེལ་མཁན།: རྡོ་་་ཁེར་སྐྱེས། སྤེལ་དུས:2018/3/28
སློབ་དཔོན་ཆེན་མོ་འཇིག་མེད་རྒྱལ་མཚན་གཙོ་བྱས་ནས་ཁྱེད་སློབ་བུ་ཡོངས་ལ་བཀའ་དྲིན་ཆེ་ཞུ།
  ཐོན་མིའི་སློབ་ཚོགས་ཀྱི་གསལ་བརྡ།   སྤེལ་མཁན།: བློ་བཟང་། སྤེལ་དུས:2018/3/27
སློབ་དཔོན་རྣམ་པ་གཙོའི་ཁྱེད་རྣམ་པའི་སྐུ་ཚེ་བརྟན་ཞིང་མཛད་འཕྲིན་རྒྱས་པར་སྨོན། ཐུགས་རྗེ་ཆེ།
  པར་ངོས1/1 པར་ཡོད།
ལྟ་ཀློག་གྲངས་ཀ
11406135
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།