ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།
  ཤེས་རིག་ནོར་བུའི་སློབ་གླིང་གིས་ཁྱེད་ལ་དགའ་བསུ་ཞུ། དེ་རིང་ནི་སྤྱི་ལོ 2022 ལོའི་ཟླ 7 ཚེས 3 རེས་གཟའ་ཉི་མ་ཡིན། དྲ་གནས་ཉར་ཚགས།  གཙོ་ངོས་སུ་འགོད་པ། འདི་ནས་ང་དང་གླེང་མོལ་བྱ།
གཙོ་ངོས།
སློབ་གསོ།
ཆོས་ལུགས།
ཀུན་འདུས།
རྩོམ་རིག
དམངས་སྲོལ།
རྒྱུན་ཤེས།
ལོ་རྒྱུས།
མི་སྣ།
ཐོན་མི།
སྐད་འཇོག་ས།
ཕྱོགས་སྟོན། གཙོ་ངོས།» གཙོ་ངོས།» འོས་སྦྱོར་གླིང་། »ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།
ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།
རྩོམ་སྒྲིག་པ།  བན་ཤུལ་འཇམ་དབྱངས། སྤེལ་དུས 2017-09-23ལྟ་ཀློག (7666)རྩོམ་ཁུངས: ངེད་དྲ་བ།པར་འདེབ།

ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།


    ལྕང་སྐྱེས་རྟ་མགྲིན་ཚེ་བརྟན་ནམ་ཁ་བ་ལྕང་སྐྱེས་ནི་སྤྱི་ལོ༡༩༧༢ལོའི་ཟླ༡པའི་ཚེས་༦ཉིན་བ་ཡན་ཁོ་ཚེ་སྡེ་བར་སྐྱེས་ཤིང་།  སྔ་རྗེས་སུ་མང་ར་དཀྱིལ་སྙིང་སློབ་གྲྭ་དང་མང་རྫོང་བོད་ཡིག་སློབ་འབྲིང་། མཚོ་ལྷོ་ཁུལ་བོད་ཡིག་སློབ་འབྲིང་། མཚོ་སྔོན་མི་རིགས་དགེ་འོས་ཆེད་སྦྱོང་སློབ་གྲྭ་སོགས་སུ་འགྲིམ་ནས་བོད་ཀྱི་སྲོལ་རྒྱུན་རིག་གནས་དང་དེང་རབས་རིག་གནས་སྣ་ཚོགས་ལ་སློབ་གཉེར་བྱས་པ་མ་ཟད། ཆུང་དུས་ནས་ལྷན་སྐྱེས་ཀྱི་ཡིག་གཟུགས་དགའ་མོས་ཡོད་པའི་སྟེང་ལ་རྒན་མཚོ་སྐྱེས་དོན་གྲུབ་ཚེ་རིང་དང་དགེ་རྒན་ཆེན་མོ་སྐལ་བཟང་བློ་གྲོས་ལ་སོགས་བསྟེན་ནས་ཚུགས་ཆེན་དང་འབྲུ་ཚ།  འཁྱུག་བྲིས་སོགས་ལ་གསན་སྦྱོང་གནང་ནས་བོད་ཀྱི་ཡིག་གཟུགས་སྒྱུ་རྩལ་ལ་སྔར་ལས་ལྷག་པར་ངེས་ཤེས་ཟབ་མོ་ཐོབ།

     སློབ་ཆེན་མཐར་ཕྱིན་རྗེས་མང་རྫོང་བོད་ཡིག་སློབ་འབྲིང་དུ་ལས་བགོས་བྱས་ཤིང་། བོད་ཡིག་སློབ་ཁྲིད་ཀྱི་ཞོར་དུ་གཞུང་སྒེར་དུས་དེབ་དང་ཚགས་པར་སྟེང་ཡིག་གཟུགས་བརྩམས་ཆོས་སྣ་མང་བཀོད་པ་དང་། ཐེངས་དུ་མར་ཞིང་ཆེན་དང་ཁུལ།  རྫོང་རིམ་པ་བཅས་ཀྱི་ཡིག་གཟུགས་འགྲན་བསྡུར་ལས་གཟེངས་བསྟོད་དང་བྱ་དགའ་ལྔ་བཅུ་ལྷག་བླངས་མྱོང་། སྤྱི་ལོ་༢༠༡༢ལོར་ལོ་ངོ་གཉིས་རིང་ལ་མི་བུ་རང་སྒེར་གྱིས་མ་དངུལ་བཏང་ནས་སྣ་ཁ་མང་ལ། སྒྱུ་རྩལ་གྱི་རིན་ཐང་བླ་ན་མཐོ་བའི་བྲིས་གཟུགས་བརྒྱད་ཅུར་ཉེ་བ་ཞིག་མང་རྫོང་ས་ཆའི་ཆུང་འབྲིང་སློབ་གྲྭར་འགྲེམ་སྟོན་བྱས་ཏེ་ཡུལ་དངོས་ནས་དགེ་སློབ་ཀུན་གྱིས་དགའ་བསུ་ཐོབ་པར་མ་ཟད།  འབྲེལ་ཡོད་མགོ་ཁྲིད་ཀྱིས་ཀྱང་གདེང་འཇོག་ཚད་མཐོར་གནང་། ལོ་དེའི་ཟླ༦པར་སྔ་རྗེས་སུ་ཨ་མདོ་བརྙན་འཕྲིན་ཁང་གི་༼ཁ་བའི་ཞབས་རྗེས་།༽ལེ་ཚན་དང་མཚོ་སྔོན་བོད་སྐད་རླུང་འཕྲིན་གྱི་༣༧༥ཐད་གཏོང་ཁང་ལེ་ཚན་དུ་ཞུགས་ནས་བོད་ཀྱི་ཆུང་འབྲིང་སློབ་གྲྭའི་ཡིག་གཟུགས་གནས་བབས་དང་འབྲེལ་བའི་རྒྱུན་ཤེས་སྐོར་ཁ་བརྡ་བྱས་མྱོང་བ་ཡིན། ༢༠༡༢ལོའི་ཟླ་༢པའི་ཚེས་༡༩ཉིན་ལ་མཚོ་སྔོན་མི་རིགས་སློབ་ཆེན་དུ་རང་གིས་ལོ་གཅིག་རིང་ལ་གསར་རྩོམ་གནང་བའི་ཡིག་གཟུགས་སྣ་འདུས་ཤོག་དྲིལ་རིང་མོ་རྨིད་༡༢༠ཡོད་པ་ཞིག་ལེགས་འགྲུབ་བྱུང་ནས་འགྲེམ་སྟོན་བྱས་པ་དང་།  བརྩམས་ཆོས་དེ་སྔ་རྗེས་སུ༢༠༡༣ལོའི་མང་རྫོང་ས་གནས་ཀྱི་བོད་ཀྱི་ལོ་སར་སྤྲོ་ཚོགས་ཆེན་མོ་དང་༢༠༡༤ལོའི་མང་རྫོང་གཙགས་དྲུབ་རིག་གནས་དུས་ཆེན། ༢༠༡༥ལོའི་བདུན་གཅིག་དུས་ཆེན་སོགས་ཀྱི་སྟེང་འགྲེམ་སྟོན་བྱས་པ་དང་ཨང་དང་པོའི་བྱ་དགའ་ཐོབ།

   ༢༠༡༥ལོའི་ཟླ༧པའི་ནང་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གིས་གཙོ་སྒྲུབ་གནང་བའི་མཚོ་སྔོན་ཞིང་ཆེན་༼ཐོན་མིའི་ཡིག་རྒྱུན༽ཡིག་གཟུགས་གསོ་སྦྱོང་འཛིན་གྲྭར་ཞུགས་ནས་གཙང་བྲིས་དང་སྙེ་བྲིས། གཞུང་བྲིས། བཀའ་བརྒྱུད་བྲབ་བྲིས། ནང་བྲིས་ནོར་བུ་མ། སྡེར་ནང་ས་བྲིས་སོགས་ཡིག་རྒྱུན་མི་འདྲ་བ་བརྒྱད་ཀྱི་མན་ངག་ཁུངས་དང་བཅས་པ་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་སྦྱངས་ཤིང་སྟེང་སྦྱངས་ནས་མཐར་ཕྱིན་དཔང་ཡིག་ཀྱང་བླངས་ཡོད། ད་སྐབས་མཚོ་ལྷོ་སྐབས་གཉིས་པའི་རྩོམ་རིག་སྒྱུ་རྩལ་ལྷན་ཚོགས་ཀྱི་ཚོགས་མི་དང་མང་རྫོང་གི་《མང་ཆུ》དུས་དེབ་ཀྱི་རྩོམ་སྒྲིག་ཨུ་ཡོན། བོད་ཀྱི་ཡིག་གཟུགས་དྲ་བའི་ཡིག་མཁན་ཆོ་ལོ་འཐོབ་པའི་མི་སྣ། མཚོ་སྔོན་ཞིང་ཆེན་ཡིག་གཟུགས་མཐུན་ཚོགས་ཀྱི་ཚོགས་མི། ཀྲུང་གོ་བོད་ཀྱི་སྐབས་དང་པོའི་ཡིག་གཟུགས་བགྲོ་གླེང་ཆེན་མོའི་གདན་ཞུ་སྐུ་མགྲོན་བཅས་ཡིན།མང་རྫོང་བྱ་མདོ་བཅའ་སྡོད་སློབ་ཆུང་གི་ཡིག་གཟུགས་མཛུབ་སྟོན་དགེ་རྒན་བཅས་ཡིན། གཞན་ཡང་རང་གི་གསར་རྩོམ་སྙན་ངག་༼གསང་བའི་ངུ་འབོད༽༼སྙིང་རྗེ་ན་རྗེ་རྒྱུ་གན་ན་ཡོད།༽༼སྐྱེ་རྒུའི་ཚད་བརྒལ་འཕྱོར་གོས་ཡང་རོ་ལངས་བརྒྱབ་བྱུང་༽༼བདེན་གཤིས་བོར་བའི་ཕ་ཡུལ་གྱི་ལོ་ཟླ༽༼ཀ་བཤད་གསོར་འབིགས་མ༽༼རླབས་ཀྱིས་བརྡེག་པའི་འོད་ཀྱི་རྡོ་རིང་ཞིག༽༼ཁེར་རྐྱང་གི་ཆིག་ལབ༽༼དགྱེས་འཛོམས་སེམས་ཀྱི་མཆོད་པ༽༼སློབ་མའི་ཉིན་ཐོ་ལས་བྱུང་བའི་བསམ་གཞིགས༽བསྒྱུར་རྩོམ་ལ་༼མཱ་ཁི་ཐོའུ་ཝུན་དཀའ་ཁག་བརྒལ་བའི་ཟིན་ཐོ༽དང་། ཡིག་གཟུགས་དཔྱད་བརྗོད་རྩོམ་ཡིག་ལ༼ཡིག་གཟུགས་འབྲི་ཚུལ་གྱི་དགོས་བ་གླེང་པ༽༼ཡིག་གཟུགས་ཀྱིས་བྱིས་པའི་འབྱུང་འགྱུར་གྱི་མི་ཚེ་ལ་ཤུགས་རྐྱེན་ཐེབས་ཐུབ༽༼ཡིག་གཟུགས་སྒྱུ་རྩལ་དང་དེའི་རིན་ཐང་གླེང་བ།༽༼ཡིག་གཟུགས་ནི་རིག་གནས་ཀྱི་སྲོག་ཏུ་ལྟ་དགོས།༽༼བྲན་བསྒྱུར་ཁྲོད་ཀྱི་རང་རེའི་དགེ་རྒན་གྱི་དཔུང་སྡེ།༽སོགས་དང་། ཡིག་གཟུགས་ཀྱི་བརྩམས་ཆོས་སྐོར་ལ་༼ཡིག་གཟུགས་བདམས་བཀོད༽༼ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་ལེགས་བཀོད༽སོགས་མཚོ་ལྷོ་ཚགས་པར། ཨ་མདོ། ཨ་མདོའེ་རྣམ་ཤེས། ཁྲི་གཤོག་སྙེ་མའི་རྩོམ་རིག་འཕྲིན་སྟེགས། ཁ་གྱའི་ཁྱུང་སྔོན་རྩོམ་རིག་འཕྲིན་སྟེགས། བོད་ཀྱི་ཡིག་གཟུགས་སྒྱུ་རྩལ་འཕྲིན་སྟེགས། འབྲོང་ཕྲུག་རྩོམ་རིག་འཕྲིན་སྟེགས། ཨ་མྱེས་རྨ་ཆེན་འཕྲིན་སྟེགས་སོགས་སུ་བཀོད་ཡོད། ཁ་རྩང་དེ་རིང་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་ཡིག་གཟུགས་རིག་གནས་འདི་ཉིད་མི་ཉམས་གོང་འཕེལ་དུ་གཏོང་བར་བྱ་མདོ་དཀྱིལ་སྙིང་སློབ་གྲྭར་ཡིག་གཟུགས་ཀྱི་དགའ་ཕྱོགས་འཛིན་གྲྭ་ཞིག་ཀྱང་བསྒྲུབ་ཞོར་ཏུ་སློབ་རའི་རིག་གནས་ཀྱི་བྱ་བ་བསྒྲུབ་བཞིན་ཡོད།།   རྫོགས་སོ།



ཁ་བ་ལྕང་སྐྱེས་སམ་ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ་བདམས་བཀོད།























ལྕང་སྐྱེས་རྟ་མགྲིན་ཚེ་བརྟན་གྱིས་དངོས་བྲིས་ཡིག་གཟུགས་སྒྱུ་རྩལ།


སྤྱིའི་ལྟ་སྐུལ་བ། སློབ་གྲྭའི་དབུ་བཞུགས་ལྷན་ཚོགས།
གཙོ་སྐྱོང་བ་དང་དོ་དམ་པ། ཁཱ་ཤེས་རབ་རྒྱ་མཚོ།
ཞིབ་དཔྱད་པ། འོད་ཟེར་བཟང་བོ། སྦྲ་ནག་འཇིགས་མེད་རྡོ་རྗེ།
རྩོམ་སྒྲིག་པ། འབའ་སྣང་གྲོལ། བསོད་ནམས་རབ་སྣང་། འཕྲིན་ལས་ཉི་མ། བན་ཤུལ་འཇམ་དབྱངས་ཡེ་ཤེས། དམ་ཆོས་ཕུན་ཚོགས།

འདྲེན་བཀོལ:
61.4K

  དཔྱད་གཏམ ( 2 )ཡོད།
དཔྱད་གཏམ་སྤེལ་ས།
སྤེལ་མཁན། བཤེར་གྲངས། nkdr བཤེར་གྲངས་ཁ་སྐོང་བྱོས།ཡིག་འབྲི་བཞི་ལས་མང་མི་རུང་།ཡིག་འབྲི་བཞི་ལས་ཉུང་མི་རུང་།
ནང་དོན་བྲི་རོགས། ཡིག་འབྲི་གསུམ་ལས་ཉུང་བ་སྤེལ་མི་རུང་།ཡིག་འབྲི་སུམ་སྟོང་ལས་མང་བ་སྤེལ་མི་རུང་།
ནང་དོན་ཡིག་འབྲི་སུམ་སྟོང་ལས་བརྒལ་མི་རུང་། བྲིས་ཟིན་ཡིག་འབྲི།      
 
  ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།   སྤེལ་མཁན།: ཆོས་སྐྱོང་སྐྱབས། སྤེལ་དུས:2017/9/23
གངས་ཅན་ཡིག་གཟུགས་འཕྲིན་ལས་དར་ཞིང་རྒྱས་པར་ཤོག
  ལྕང་སྐྱེས་རྟ་མགྲིན་ཚེ་བརྟན་གྱི་ཡིག་གཟུགས་སྒྱུ་རྩལ།   སྤེལ་མཁན།: འབུམ་བྱམས་རྒྱལ། སྤེལ་དུས:2017/9/23
ཁོང་གི་ཡིག་གཟུགས་གཞན་ལས་རྨད།། རྨད་བྱུང་གངས་ཅན་ལྗོངས་ཀྱི་ནོར།། ནོར་བུ་ལྟ་བུའི་ཕྱག་རྒྱུན་དེ།། དེ་རིང་བསྔགས་བྱའི་གནས་ལགས་སོ༎
  པར་ངོས1/1 པར་ཡོད།
ལྟ་ཀློག་གྲངས་ཀ
11406196
 
འབྲེལ་གཏུག་བྱ་ཡུལ།    ཁ་པར།  15283703999    E-mail:www.jmjzjy@126.com
པར་དབང་རྭ་རྒྱ་ཤེས་རིག་ནོར་བུའི་སློབ་གླིང་ལ་དབང་།